პაციენტი შემოვიდა მარჯვენა ზედა კიდურის სამეანო ტრავმით. აღინიშნებოდა კიდურის უმოძრაობა და ჩამოვარდნილი, ჩამოკიდებული მტევნის კლასიკური სურათი, რაც გამოწვეული იყო მაჯისა და თითების გამშლელი კუნთების ტონუსის დაქვეითებით.

მტევანსა და თითებში ძალა შესუსტებული იყო, რის გამოც დაუყოვნებლივ დავიწყეთ სარეაბილიტაციო კურსი, რომელიც მოიცავდა სამკურნალო კლასიკურ და წერტილოვან მასაჟს, ასევე სამკურნალო ვარჯიშებს, პერიოდული შესვენებებით.

ამასთანავე მიმდინარეობაში წლამდე გაუკეთდა რამდენიმე სარეაბილიტაციო კურსი საუკეთესო შედეგების გასამყარებლად. საბოლოოდ, შედეგმა მოლოდინს გადააჭარბა - ბავშვის მარჯვენა ზედა კიდური თითქმის სრულად აღდგა, თუმცა პროფილაქტიკური სარეაბილიტაციო მკურნალობის კურსი პერიოდულად კვლავ გრძელდება.

15 წლის გოგონას აღენიშნებოდა ტერფებისა და წვივის კუნთების ტკივილი. ბრტყელი ტერფის კორექციისა და ტკივილის შესამცირებლად აუცილებელია წვივის დიდი და უკანა ჯგუფის კუნთების განვითარება და გაძლიერება მასაჟისა და ვარჯიშების მეშვეობით.

ძირითადი ვარჯიშები ტარდება მჯდომარე პოზაში, როგორიცაა ტერფის აქტიური სუპინაცია (გარეთ ბრუნვა) და პრონაცია. შემდგომ ეტაპზე, მდგომ პოზაში სრულდება შემდეგი სავარჯიშოები: ფეხის წვერებზე დგომა, ტერფის გარე კიდით სიარული, ქუსლიდან წვერებზე გადასვლა და პირიქით.

დამატებით ვარჯიშებად გამოიყენება: პატარა ბურთის ამოდება წინდაში და სიარული, ფეხის თითებით მსუბუქი ნივთების აღება, ტერფების სრიალი ჯოხზე, ასევე ზაფხულობით ფეხშიშველი სიარული არასწორ ზედაპირზე.

ტერფის თაღის ჩამოყალიბების პროცესში ეფექტურია სამკურნალო კორექციული ღაბაში. განსაკუთრებული რეკომენდაციაა, რომ მოზარდებმა არ ატარონ თხელძირიანი და ადვილად დეფორმირებადი ფეხსაცმელი, ე.წ. ბალეტკები და კეტები.

მენჯ-ბარძაყის სახსრის დისპლაზია ერთ-ერთი ყველაზე გავრცელებული პათოლოგიაა ბავშვებში, რომელიც ადვილად ემორჩილება კორექციას, იმ შემთხვევაში, თუ შესაბამისი ზომები მიღებულია ადრეულ ეტაპზე - სამშობიარო სახლშივე.

მნიშვნელოვანია, ახალშობილის თავისუფლად ჩაცმა, განიერი საფენების, ან ორი პამპერსის გამოყენება და მსგავსი მარტივი, მაგრამ ეფექტური პრევენციული მოქმედებები.

ასევე რეკომენდებულია, დედებს აუხსნან სპეციალური სავარჯიშოები: კიდურების განზიდვა და წრიული მოძრაობები, რომლებიც დღეში რამდენჯერმე უნდა შესრულდეს.

თერაპიისთვის სასარგებლოა: ბავშვისთვის ცოცვის წახალისება, აბაზანები, სამკურნალო მატონიზირებელი მასაჟები და ვარჯიშები, დუნდულისა და ზურგის კუნთების დამუშავება.

დასკვნის სახით, დისპლაზიის დროს საუკეთესო გამოსავალია დროული რეაგირება და მკურნალობა მასაჟისა და სამკურნალო ვარჯიშების მეშვეობით.

პაციენტს აღენიშნებოდა კიფო-სქოლიოზი, ასევე დაღლილობის შეგრძნება, თავის ტკივილი და მოუსვენრობა. ჩაუტარდა საერთო მასაჟი, საყელოს და ხერხემლის დატვირთვით, ასევე სამკურნალო ფიზკულტურა, რაც ძალიან კარგი შედეგით დასრულდა.

უკვე პირველივე კურსის შემდეგ, ჩივილები მოიხსნა, კიფოზური ბეჭები საგრძნობლად ჩასწორდა და შემდგომში, სახლის პირობებში გაგრძელდა სამკურნალო ვარჯიშების კომპლექსური კურსი, შედეგის გასამტკიცებლად.

საჭიროა თუ არა პროფილაქტიკური გამაჯანსაღებელი მასაჟის ჩატარება?

პირველ რიგში რეკომენდირწბულია პირველი ვიზიტი კლინიკაში ბავშვთან ერთად. ანამნეზის შევსების შემდეგ გადაწყვეტილებაა იღებს პედიატრი დიაგნოზის შესაბამისად.საჭიროა თუ არა ბავშვისთვია დამატებითი პროფილაქტიკური გამაჯანსაღებელი მასაჟის ჩატარება, რათა თავიდან ავიცილიდ მოსალოდნელი გართულებები შემდეგ დიაგნოზებე: დისპლაზია, ბრტყელი ტერფი, კისერ მრუდობა, ტერფმრუდობა, სქოლიოზი, რაქიტული დეფორმაციები და სხვა.

სქოლიოზი-პაციენტს ჩაუტარდა სამკურნალო მასაჟი და ვარჯიშების კურსი. მკურნალობისთვია მაშინვე გათვალისწინებული იქნა სრული სარეა ილიტაციო მკურნალობა მასაჟი და სამკურნალო ვარჯიშები. მკურნალობის დაწყებისას შერჩეული იქნა სპე იალური სამკურნალო ვარჯიშები და მასაჟები სწორი ფიზიკური დატვირთვით. გოგონაა მალე მოეხსნა დაღლილობის და ტკივილებია შეგრძნება, ასევე გამოსწორდა მხრების და თეძოს სიმეტრიები და მკურნალობა კარგი შედეგით დამთავრდა.

რა მნიშვნელობა აქვს ბავშვთა პროფილაქტიკურ და სამკურნალო მასაჟს, რომელიც აუცილებლობას წარმოადგენს ბავშვებში - განსაკუთრებით დაბადებიდან პირველი ორი წლის გაგმავლობაში?

მასაჟი თერაპიული საშუალებაა რომელიც ეფექტურად მოქმედებს ლიმფისა და სისხლის მიმოქცევაზე, რომ ხელი შეუწყოს ბავშვის ორგანიზმის ზრდა განვითარებასადა გაჯანსაღებაზე. ბავშვის მასაჟი უყოფა ორ სახეობად პროფილაქტიკური და სამკურნალო. პროფილაქტიკური მასაჟი გამოიყენება, რომ დავეხმაროთ ბავშვს (ცოცვაშუ,თავის დაჭერაში და ჯდომის სწავლების გამყარებაში) ხოლო სამკურნალო მასაჟი ძირითადად გათვალისწინებულია საყრდენ მამოძრავებელი და ძვალ კუნთოვანი სისტემის აღდგენაში. მაგალითად: სქოლიოზი, ტერფმრუდობა, ბრტყელტერფიანობა, კუსერმრუდობა, დისპლაია, ბავშვთა ცერებრულუ დამბლები და სხვა ძირითადი დიაგნოზების აღდგენა.